मा. मुख्याध्यापिका सौ. ललिता कारंडे यांच्या प्रोत्साहनामुळे भावे प्राथमिक शाळेने हुजूरपागा कला करंडक अंतर्गत घेण्यात आलेल्या शिक्षक समूहगीत स्पर्धेत घवघवीत यश संपादन केले. या स्पर्धेत भावे प्राथमिक शाळेच्या शिक्षकांनी एकूणात तृतीय क्रमांक पटकावला.
या समूहगीताचे लेखन व स्वरसंयोजन सौ. गौरी जोशी यांनी केले. त्यांच्या मार्गदर्शनाखाली शिक्षकांनी समूहगीताचे सुंदर सादरीकरण केले.
या उल्लेखनीय यशाबद्दल शाला समिती अध्यक्ष डॉ. दिलीप शेठ, महामात्रा डॉ. मानसी भाटे, मुख्याध्यापिका सौ. ललिता कारंडे व उपमुख्याध्यापिका सौ. वृषाली ठकार यांनी विजेत्या शिक्षकांचे अभिनंदन केले.