मा. मुख्याध्यापिका सौ. ललिता कारंडे यांच्या मार्गदर्शन व प्रोत्साहनामुळे भावे प्राथमिक शाळेने हुजूरपागा कला व क्रीडा करंडक अंतर्गत घेण्यात आलेल्या नाट्यछटा व कथाकथन स्पर्धेत घवघवीत यश संपादन केले.
इयत्ता १ली व २री गटाच्या नाट्यछटा स्पर्धेत इयत्ता २री, निसर्ग गटातील श्रीशा शंकर हाटकर हिने एकूणात प्रथम क्रमांक पटकावला.
तसेच कथाकथन स्पर्धेत १५० स्पर्धकांमधून इयत्ता ३री, अश्विनी गटातील प्रार्थना कस्तुरे हिने उत्तेजनार्थ प्रथम क्रमांक पटकावला. याच स्पर्धेत इयत्ता ४थी, आदित्य गटातील गार्गी खोपडे हिला उत्तेजनार्थ पारितोषिक मिळाले.
या विद्यार्थिनींना श्रीमती रेणुका महाजन, सौ. अनिता जगदाळे व सौ. शुभदा शिरोडे यांनी मार्गदर्शन केले होते .
या उल्लेखनीय यशाबद्दल शाला समिती अध्यक्ष डॉ. दिलीप शेठ, महामात्रा डॉ. मानसी भाटे, मुख्याध्यापिका सौ. ललिता कारंडे व उपमुख्याध्यापिका सौ. वृषाली ठकार यांनी विजेत्या विद्यार्थिनी तसेच मार्गदर्शक शिक्षकांचे अभिनंदन केले.